ຣັັດເຊຍ ແລະ ສປປ ເກົາຫຼີ ເຊັນສັນຍາ ການພົວພັນຄູ່ຮ່ວມຍຸດທະສາດຮອບດ້ານ

ທ່ານ ວະລາດີ ເມຍ ປູຕິນປະທານາທິບໍດີ ລັດເຊຍ ກັບ ທ່ານ ກິມ ຈອງອຸນ ເລຂາທິການໃຫຍ່ ຄະນະກຳມະການ
ສູນກາງພັກແຮງງານເກົາຫຼີ ປະທານຄະນະກຳມະການ ແຫ່ງ ລັດ ສປປ ເກົາຫຼີ

     ຂ່າວສານຊີອາໄອ ລາຍງານໃຫ້ຮູ້ໃນວັນທີ 20 ມິຖຸນາ 2024 ຜ່ານມານີ້ວ່າ: ທ່ານ ວະລາດີເມຍ ປູຕິນ ປະທານາທິບໍດີ ລັດເຊຍ ກັບ
ທ່ານ ກິມ ຈອງອຸນ ເລຂາທິການໃຫຍ່ຄະນະກຳມະການ ສູນກາງພັກແຮງງານເກົາຫຼີ ປະທານຄະນະກຳມະການ ແຫ່ງ ລັດ ສປປ ເກົາຫຼີ
ໄດ້ເຊັນສັນຍາ ການພົວພັນຄູ່ຮ່ວມຍຸດທະສາດ ຮອບດ້ານຢູ່ນະຄອນຫຼວງພຽງຢາງ.

     ທ່ານ ປູຕິນ ກ່າວວ່າ: ສັນຍາ ສະບັບນີ້ ມີຄວາມໝາຍສຳຄັນ ທີ່ສຸດ, ຈະກາຍເປັນພື້ນຖານທີ່ຂະຫຍາຍການພົວພັນລະຫວ່າງສອງປະເທດ
ຕື່ມອີກໃນອະນາຄົດ. ທ່ານ ກິມ ຈອງອຸນ ກ່າວວ່າ: ສັນຍາລະຫວ່າງ ສປປ ເກົາຫຼີ-ຣັດເຊຍ ຈະເລັ່ງລັດການສ້າງໂລກໃໝ່ ທີ່ມີຫຼາຍຂົ້ວ.

     ທ່ານ ຍັງກ່າວຕື່ມວ່າ: ການພົວພັນລະຫວ່າງ ສປປ ເກົາຫຼີ ກັບ ລັດເຊຍ ໄດ້ຍົກສູງຂຶ້ນເຖິງລະດັບເປັນພັນທະມິດແລ້ວ. ອີງຕາມສັນຍາທີ່
ສອງປະເທດ ໄດ້ເຊັນກັນ, ເມື່ອຝ່າຍໜຶ່ງຖືກຮຸກຮານຈາກປະເທດອື່ນ, ອີກຝ່າຍຕ້ອງສະ ໜອງການຊ່ວຍເຫຼືອ.

ແຫຼ່ງທີ່ມາ: ໜັງສືພິມກອງທັບ
ວັນທີ 24/06/2024